Ĕlĕk Kushkăra pĕr pujan Mikka jatlă şyn pulnă. Mikite Mikki tenă ăna. Văl Mikka pit jăvash, pit ăslă şyn pulnă, văl hăj lutrarah, sarlakarah, hurarah şyn pulnă. Văl nihăşan ta şynna usal sămah kalaman, nihăşan ta şynpa vărşman. Văl hăj şyntan pit vătanakan şyn pulnă, hăj ĕşleme pit harsăr pulnă. Păr văhăt ta ahal' tăman, jalan mĕn te pulin ĕşlenĕ, praşnik văhătĕnce ancah nimĕn te ĕşlemen. Unăn vyl'ăhĕ-cĕrlĕhĕ te, tyrri-pulli te irĕkkĕn pulnă, ukşi-tenki te numaj pulnă. Văl hăjĕncen japala yjtakana pĕrtte carman, şuk şynsene pit pulăshnă. Hăj şynna japala parsa pulăshma tărsan ta şapah şynsene nim enpe te kürentermen. Văl şynna nihăşan ta ajăplaman, temle ajăplă şynna ta unăn ajăpne sirme hĕtlennĕ, văl şynna jeple te pulin ükĕtleme hĕtlennĕ. Teple vărşakan şynna ta, jăpata-jăpata, carnă.
Păr văhătra uramra Pettepe Jenecit tüpeleshnĕ, vĕsem tüpeleshnine ajakran şynsem păhsa tănă. Unta şak Mikka ta pulnă ikken. Şak Mikka kalană:"Epĕ şavsene kajsa carăp", - tenĕ. Şynsem kalană: "Esĕ jeple carăn văl urnă pek şynsene? - tenĕ, - akă hăvna hĕnese părahĕş", - tenĕ. Ku Mikka kalană: "Akă, astăvăr - halĕ", -tenĕ te, casrah hypalansa pynă vĕsem patne. Unta pyrsanah, pĕrinpe te kalaşnă, teprinpe te kalaşnă. Leshsem vara şavăntah carănnă. Leş Mikka jalan ükĕtle-ükĕt jăpatnă. Ku jăpatnă tărăh vara leshsem pĕtĕmpeh kilĕshnĕ. Untan vara şavăntah pĕr-pĕrin patne săra ĕşme kajnă. Maltan ĕnecĕmĕ ilse kajnă, untan Petti patne kajnă vara. Ku Mikka leshsem pĕr-pĕrin patne kajsanah, hajhi păhsa tărakan şynsem patne pynă ta: "Akă cartăm-şke", - tenĕ. Leshsem hăshĕ kalană: "Kălăhah cartăn, vĕsem tüpeleşnine pĕre păhsa tăma pit avanccĕ hal', " - tenĕ. Mikka kalană: "Sire păhsa tăma avan ta, vĕsem hăjsene hăjsem şĕmĕrse pĕtereşşĕ", - tenĕ. Văl Mikka şakăn pek vărşakan şynsene pit numaj carnă. Puhura-mĕnte şynsem teple vărşa puşlasan ta, tüpeleshe puşlasan ta, văl Mikka unta pulsan, şapah carnă. Văl nimĕnsĕreh, ahal' jăpatsah carnă, ni hăratsa mar, ni junavpa mar. Văl şynna jăpatma pit ăsta pulnă, unăn pĕr sămahĕ te şynnăn cĕrine kĕrse larmalla pulnă. Văl Mikka etemme mar, vyl'ăha ta pit ăsta jăpatma pĕlnĕ.
Pĕr văhătra Ătăr Jahvarĕ, şurkunne uram husshi huralsan, annana kajma tapănnă. Ălavne pysăkrah tijenĕ, hura şĕrte unăn lashi turtajman. Ku Jahvar lashine turtajmanshăn hĕnese pĕternĕ. Ăna ku Mikka kurnă ta, casrah cupsa pynă, lashine hĕrhense pyrsan, văl Jahvara kalană: "Ej, Jahvar! şak sirĕn ĕşre epă pĕrtte juratmastăp, şul hura, tijenĕ ălavna jyvărtarah, hu şapah lashana hĕnetĕn, sana, hăvna hu şĕklejmi japala parsan, sanăn văjă şitmesen, esĕ hĕnenipe şĕklejĕn? - tenĕ. - Esĕ lashana hĕniccen părtak pulăshma kirlĕccĕ, -tenĕ. - Esĕ jeple vyl'ăha hărhenmestĕn?" -tenĕ. Hăj vara lashine pĕrtak sătărkalană, acashlakalană ta, turtaran tytsa lashine pulăshnă, lashi vara taprannă kajnă. Untan părtak kajsan, kantarnă. Şapla ajkasha-ajkasha, jaltanah kălarsa jană.
Tata pĕr văhătra hirte aka tună cuh, Jăvashka Entrijĕsem lashisempe kunĕpe asaplannă. Lashisene hĕnese pĕternĕ hăjsen aki puşne ultă lasha külnĕ, nijeple suhalajman, lashisem pĕri turtnă, pĕri turtman. Ku Mikka vĕsem asaplannine ajakranah kurnă ta, vĕsem patne pynă. Pyrsan kalană: "Esir nimĕnsĕreh asaplanatăr, lashărsene mĕn tuma ku teri hĕnetĕr?" -tenĕ. Hăj vara, şapla kalasan, lashisene sătărkalană, acashlakalană. Şapla tusan vara lashisem shyv pek kajnă. Untan vara hăj kalană:"Lashărsene an şapăr, an hĕnĕr. Shăhărsa, akărsa pyman akana hĕnese, şapsa pyrtarajmăr", - tenĕ. Untan vara Mikka kajnă. Şavăntan vara Jăvashkă Entărijĕsem suhalană ta suhalană.Văl Mikka şapla şynna numaj pulăshnă, japala parsa ta, ukşa parsa ta, ĕş patănce te numaj pulăshnă. Cĕlhipe te hujhăllă şynna pusărăntarnă, şilĕllĕ şynna jăvashlantarnă. Văl şav tĕrlĕ lajăh kămăllă şyn pulnă.
Văl Mikkanăn hală ikĕ yvălĕ pur, ikkĕshĕ te ănman, hăjne human. İkkĕshĕ te cărsăr, kampa kilcĕ unpa tüpelesheşşĕ.
Usăllă şyn kirek ăşta ta usă tăvat', usal şyn usal tăvasshănah şüret. Şynna pĕr usal tăviccen, pilĕk usal tu.
