Хальхи пекех ас тăватăп:
Мускав хули... театрта
"Амалия" роле вылятăп,
Çап-çамрăк хĕр ун чух тата.
Чечек çыххи спектакль хыççăн
Тыттарчĕ каччă йăл кулса.
Пĕрре курсах хама-хам вĕçнĕн
Туйса эп илтĕм, ăнланса.
"Ăçтан эсир?" - тесе ыйтсассăн,
Вăл хуравларĕ: "Пушкăртран".
"Эсир тата?..." - тĕпчет хавассăн.
"Чăрăшкасси ятлă ялтан.
Йĕпреç районĕнчи илемлĕх
Кӳрет савса чăваш çĕрне..."
"Э... вăн ăçтан çак илĕртӳлĕх..." —
Тесе вăл тăсрĕ сăмахне...
Malalli: 9